Мілінкевіч. Навіны з кампаніі

Дзень незалежнасці прайшоў па старой лукашэнкаўскай схеме

Sat, 25 Mar 2006 17:17:31 GMT

11-12 тыс чалавек сабралася ўздоўж праспекту Скарыны ў 12:15. Натоўп быў падзелены на 5 частак супрацоўнікамі спецназу, якіх, паводле сціплых падлікаў было 4 тыс. Міліцыянты выштурхоўвалі людзей, білі нагамі. Супрацьстаянне працягвалася паўтары гадзіны. Пасля гэтага быў створаны адмысловы калідор з АМАПу, праз які дэманстранты змаглі выйсці з цэнтру, і накіраваліся на рэзервовае месца правядзенне мітынгу - Сквер імя Янкі Купалы.

У скверы сабралася 7000 чал. Выступіў нядаўна вызвалены з турмы Вінцук Вячорка, экс-кандыдаты Аляксандр Мілінкевіч, Аляксандр Казулін, палітык і журналіст Сяргей Вазняк, літаратары Уладзімір Арлоў (у яго ўчора засудзілі на 10 сутак сына), Андрэй Хадановіч, дэпутатка польскага Сейму, прадстаўнік Управы КХП-БНФ, сустаршыня Маладога Фронту Сяржук Бахун. Заключнае слова ўзяў Аляксандр Мілінкевіч.

На заклік экс-рэктара БДУ Аляксандра Казуліна пэўная частка людзей накіравалася да спецпрыёмніка-размеркавальніка па вуліцы Акрэсціна. Па дарозе калона была спыненая і разагнаная з ужываннем спецсродкаў. Разгонам кіраваў сам кіраўнік АМАПу Паўлючэнка. Паранена больш за 50 чал. Ад Беларускага тэлебачання паступіла інфармацыя што 2 чалавекі забітыя.

Ёсьць непацверджаная інфармацыя, што рыхтуецца інтэрнаванне Аляксандра Мілінкевіча

Затрыманыя Аляксей Янукевіч і яшчэ 3 чалавекі

Tue, 21 Mar 2006 02:02:41 GMT

3.55

Каля Дому афіцэраў ля ўваходу ў інтэрнэт-кавярню "Саюз-онлайн" затрыманыя намесьнік старшыні Партыі БНФ Аляксей Янукевіч і яшчэ 3 чалавекі. Ёсьць інфармацыя, што яны зьбітыя

Мілінкевіч правёў перамовы з міліцыяй. Міліцыя дазволіла заставацца на плошчы

Mon, 20 Mar 2006 20:58:55 GMT

Мілінкевіч правёў перамовы з міліцыяй. Міліцыя дазволіла заставацца на плошчы
Народ скандуе “Міліцыя з народам” і расстаўляе намёты. Майдан пачынаецца

Моладзь поўная надзеі

Mon, 20 Mar 2006 20:42:44 GMT

Моладзь працягвае скандаваць “Жыве Беларусь”, “Мілінкевіч”. Самыя актыўныя вывесілі бел-чырвона-белыя сцягі на парадных падстаўках для сцягоў.

Людзі спяваюць песні, кантактуюць. Некаторыя падаграюцца гарбатай з тэрмасаў.

Супрацоўнікі АМАПу каля Макдональдсу пачалі збіваць актывістаў дэмакратычнага руху

Mon, 20 Mar 2006 20:33:23 GMT

Дзесяткі наведніаў макдональдсу сталіві відавочцамі відовішча, калі амапвец пачаў збіваць юнака за значкі "За Свабоду". Публіка заступілася за хлопца і выклікала яшчэ большую агрэсію ў амапаўца. Амапавец не вытрымаў і капітуляваў

Мiтынг працягваецца.

Mon, 20 Mar 2006 20:30:23 GMT

На плошчы людзей не меншае. Ставяцца новыя i новыя намёты. Моладзь паставiла бел-чырвона-белыя сцягі ў адмысловы парадны каркас на цэнтры плошчы. План: стаяць усю ноч

Ужо трэцюю гадзіну ідзе мітынг на Кастрычніцкай плошчы.

Mon, 20 Mar 2006 20:20:35 GMT

Сяргей Салаш, які сёння быў вызвалены з турмы на Акрэсціна, выступіўшы на плошчы, сказаў, што за Мілінкевіча на Акрэсціна прагаласавала 90%.

Прадстаўнікі руху "Хопіць!" заклікалі прысутных на плошчы прыносіць з дому намёты і разбіць на плошчы палатачны гарадок. Паводле іх, калі на плошчы будуць стаяць не 4, як зараз, а найменей 50 намётаў, то намётавы гарадок не атрымаецца разбурыць.

Дэпутат парламенту Нарвегіі, выступаючы на Кастрычніцкай плошчы, заявіў, што вочы свету сёньня прыкаваныя да гэтай плошчы ў Менску.

Разбітыя 6 намётаў

Mon, 20 Mar 2006 20:20:14 GMT

Усталяваныя першыя чатыры намёты. Вакол іх шчыльным шэрагам стаіць ахова. Супрацоўнікі міліцыі і КДБ спрабавалі разбурыць намёты, але ахова не дазволіла ім.

Мілінкевіч - 25,6%, Лукашэнка - 47%. Мілінкевіч патрабуе другі тур

Sun, 19 Mar 2006 17:44:26 GMT

Сёння на прэсавай канферэнцыі Сяргей Вазняк, кіраўнік прэс-групы аб'яднананых дэмакратычных сілаў, аб'явіў вынікі exit-polla, праведзеныя сёння падчас галасавання на выбарчых участках па ўсяе Беларусі "Левада-цэнтрам". Паводле іх Мiлiнкевiч набірае 25,6%, Лукашэнка – 47%, адпаведна, другі тур непазбежны.

Прэсавая канферэнцыя Мілінкевіча адмяняецца. Паступіла інфармацыя пра магчымы арышт кандыдата.

Sun, 19 Mar 2006 17:43:29 GMT

Прэсавая канферэнцыя Мілінкевіча, запланаваная на 19:00, адмяняецца. Паступіла ананімная інфармацыя, што па заканчэнні канферэнцыі плануецца арышт Аляксандра Мілінкевіча і Сяргея Калякіна

На Кастрычніцкую плошчу ўлада звозіць правакатараў

Sun, 19 Mar 2006 16:43:30 GMT

У гэтыя хвіліны на Кастрычніцкую плошчу прывозяць аўтобусы з людзьмі, сярод якіх і поўны склад Акадэміі МУС. З розных бакоў да плошчы сцягваюцца маладзёны з чырвона-зялёнымі сцяжкамі і півам у руках. Каля будынка Прафсаюзаў стаіць некалькі аўтобусаў з невядомымі ўнутры.

Па інфармацыі Штаба А.Мілінкевіча ўлада хоча перашкодзіць мірнаму пратэсту людзей, якія збіраюцца на Кастрычніцкай плошчы ў 20.00, каб выказаць свой пратэст супраць фальсіфікацыі.

Сакратару ЦВК ужо вядома як і за каго галасуюць беларусы

Sun, 19 Mar 2006 16:21:11 GMT

Па дадзеных ЦВК на 14.00 яўка выбарцаў склала 71,1%. Найбольш высокая яўка зафіксавана ў Магілёўскай вобласці 77,5%.

Сакратар Цэнтральнай выбарчай камісіі Мікалай Лазавік патлумачыў такую высокую яўку наступным чынам:

- Людзі галасуюць за спакой і стабільнасць, а не за дэстабілізацыю і беспарадкі, якія ім прапаноўвае апазіцыя і Захад. Гэта адказ на заклікі апазіцыі выйсці на вуліцу.

Лазавік падзякаваў Аляксандру Мілінкевічу за тое, што ён праводзіць такую добрую агітацыйную кампанію і заклікае людзей на плошчу.

- Людзі адрэагавалі сустрэчнай рэакцыяй на гэтую прапанову.І таму такая высокая яўка.

А.Лукашенко готовится покинуть страну

Sun, 19 Mar 2006 16:20:49 GMT

На адрес АФН поступило письмо от анонимного автора, который сообщил о телефонном разговоре Путина и Лукашенко, о трех самолетах в Мачулищах (Мачулищи становятся популярны) и т.д. Предлагаем Вашему вниманию полный текст письма.

"Уважаемые независимые СМИ! Информирую вас о том, что более часа назад, у президента Лукашенко состоялся длительный разговор с президентом России Владимиром Путиным. Говорили около 40 минут, о чём - я сказать не могу, мне это неизвестно.

Также мне стало известно, что со вчерашней ночи, на аэродроме Мачулищи дежурят три транспортных самолёта и один пассажирский, которые готовы к взлёту в любой момент.

Сообщаю также, что в администрации президента перекрыт президентский этаж. Туда никто не входит и не выходит. Дозвониться до комнат на этом этаже невозможно. Нет связи с пресс-секретарём Лукашенко.

Сменились охранники, стоят какие-то новые люди, которых я ранее не видел. Уважаемые независимые СМИ, что-то происходит. Неужели паника? Что за самолёт улетел вчера из Мачулищ?"

Нет, конечно же лица охранников нам неизвестны, поэтому проверить эту информацию не представляется возможным. В Мачулищи ехать бессмысленно - тем более, что потом могут и в Минск обратно не впустить. Нам удалось с 1-го раза дозвониться руководителю пресс-службы президента Павлу Легкому. Узнав о цели звонка, он усталым голосом посоветовал "не заниматься глупостями".

Аляксандр Мілінкевіч даў прэс-канферэнцыю

Sun, 19 Mar 2006 16:20:22 GMT

Сёння ў 13.30 кандыдат у прэзідэнты Беларусі Аляксандр Мілінкевіч даў прэс-канферэнцыю. Падчас прэс-каферэнцыі абвесціў вынікі агітацыйнай кампаніі, парушэнні і правакацыі збоку ўлады ў адносінах да актывістаў каманды, казаў пра нагнятанне ўладамі напружанай сітуацыі і пра мірны выхад людзей на вуліцу.

- Наша агітацыйная кампанія скончылася сёння ў поўнач. Мы лічым, што ў гэтых умовах, правялі добрую агітацыйную кампанію, падчас якой прапанавалі грамадству рэальную альтэрнатыву існуючаму ладу і дзеючаму прэзідэнту. Кульмінацыяй нашай кампаніі стаў учорашні канцэрт “За Свабоду!”, які прайшоў учора на плошчы Бангалор у Мінску, - адзначыў Аляксандр Мілінкевіч.

Кандыдат у прэзідэнты казаў пра затрыманні і арышты актывістаў яго каманды, канфіскацыю агітацыйнай друкаванай прадукцыі.

- Больш за 450 чалавек былі затрыманыя міліцыяй падчас выбарчай кампаніі, больш за 160 чалавек аштрафаваныя вялікімі штрафамі. Толькі за апошнія 10 дзён 80 чалавек па надуманых абвінавачваннях былі кінуты ў турмы. Дагэтуль невядомы лёс затрыманага ўчора прафсаюзнага актывіста і журналіста з Гродна Івана Романа. Міліцыя канфіскавала 200 тысяч экзэмпляраў агітацыйнай прадукцыі, якая была выдадзена на грошы ЦВК.

Выбарчы працэс праходзіць з парушэннямі заканадаўства, людзей прымушаюць галасаваць датэрмінова, зганяюць на ўчасткі.

- Датэрмінова прагаласавала 31,3%, гэта ў два разы больш, чым на мінулых кампаніях. На закрытых участках абвяшчаюць вынікі галасавання, дзе за Лукашэнка прагаласавала 98-100%. Улада дазваляе сабе публічна абражаць кандыдата ад дэмакратычных сіл і ўсю дэмакратычную кааліцыю,- падкрэсліў Аляксандр Мілінкевіч.

Аляксандр Мілінкевіч казаў пра адмысловае нагнятанне напружанасці з боку ўлады і стварэнне атмасферы страху:

- У сталіцу ў масавым парадку сцягнуты падраздзяленні сілавых структур. Ужо блакуюцца цэнтр і ўезды ў Мінск, вядзецца слежка і і праслухоўванне тэлефонаў. Некалькі гадзіна таму адбыўся напад на офіс Асамблеі няўрадавых арганізацый. Мы ведаем, што ўлада рыхтуе правакацыі на сённяшні вечар. Але мы спадзяемся, што ў іх хопіць розуму, каб не збіваць і не страляць у мірных грамадзян. Але, калі, не дай Бог пральецца кроў, адказнасць ляжа на сённяшняе кіраўніцтва краіны.

Экзіт-пол "па-беларуску"

Sun, 19 Mar 2006 16:18:35 GMT

На выбарчым участку на вуліцы Куйбэшава,19 група журналістаў сачыла за правядзеннем экзіт-пулаў, якія праводзіць Экоом. З 12.02 да 12.35 на выхадзе з участка былі апытаныя 19 чалавек, з іх – 16 адмовіліся адказваць, 1 – за Лукашэнка, 1 – за Мілінкевіча, 1 – супраць усіх.

Журналісты пакалі дзяўчыне, якая праводзіла апытанне, дадзеныя на 11.00, дзе за Лукашэнка было 83,6% і запыталі ці адпавядае гэта рэчаіснасці. Вось, што яна сказала:

- Я не ведаю, можа не, а можа і так. Я не маю права адказваць на гэтыя пытанні.

Sun, 19 Mar 2006 16:18:03 GMT

Сайт Аляксандра Мілінкевіча зраніцы 19 сакавіка быў узламаны невядомымі. Была ўзламаная сыстэмная база, выдаленае зьмесьціва сэрвэру. Акрамя гэтага IP сайта заблякаваны на доступ з Беларусі. Між тым, сеціўная група А. Мілінкевіча працуе на аднаўленне інфармацыі і сайта і на адбіццё хакерскіх атакаў. Створанае люстэрка сайта:

ЛЮСТЭРКА САЙТА MILINKEVICH.ORG - http://SVABODA.INFO

Для тых, хто будзе на плошчы 19 сакавіка, - створаны wap-пратакол http://cmsdevelopment.com/19/ - для аператыўнай каардынацыі людзей на вуліцах Мінска.

Трымаймася разам!

Лідэр польскай партыі “Грамадзянская платформа ”: Сёння вы працягваеце эстафету свабоды

Sun, 19 Mar 2006 16:17:12 GMT

“Вашым лёсам не павінна стаць апошняя еўрапейская дыктатура. Польшча, Еўропа і ўвесь вольны свет патрабуюць свабоднай і дэмакратычная Беларусі”, - так у лісце да Аляксандра Мілінкевіча і ўсяго беларускага народа, выказаў падтрымку барацьбы за права свабоднага выбару беларусаў лідэр польскай партыі “Грамадзянская платформа ” Дональд Туск.

“Сёння вы працягваеце эстафету свабоды. Гледзячы з захапленнем на вашую адвагу і мужнасць у барацьбе за універсальные вартасці, мы верым у Вашую перамогу”, - піша Дональд Туск.

Лідэр партыі заяўляе, што “Грамадзянская платформа” будзе і надалей падтрымліваць дэмакратычны рух Беларусі: “Мы хочам Вас запэўніць, што не спынім высілкі, мэта якіх - павышэнне цікавасці ўсяго свету да лёсу Беларусі. Мы будзем Вам стала дапамагаць. Словам і справай”.

“Мы з Вамі. Можаце на нас разлічваць, - піша Дональд Туск. - Польскія вуліцы сёння з’яўляюцца сведкамі паўсюднай салідарнасці з Беларуссю. Тысячы палякаў скандуюць у гэтыя дні ў Варшаве, Чэнстахове, Гданьску і Вроцлаве: “Ніхто не задушыць Беларусі!” і “Мінск-Варшава агульная справа!”. Менавіта цяпер узмацняюцца сувязі польска-беларускага сяброўства”.

Sun, 19 Mar 2006 16:16:49 GMT

Экзіт-пол "па-беларуску"

Sun, 19 Mar 2006 15:19:22 GMT

Радыё Беласток будзе перадаваць навіны па-беларуску

Sun, 19 Mar 2006 15:18:55 GMT

У нядзелю 19 сакавіка польскае радыё "Беласток" будзе ад 9-й аж да 16-й гадзіны перадаваць навіны па-беларуску.

Штогадзіну выпуск навінаў будзе пачынацца, як звычайна на польскай мове, а другая яго палова – на беларускай, перадусім з паведамлень\нямі адносна выбараў. На Гродзеншчыне радыё "Беласток" чуваць на FM – хвалі 99,4.

Аляксандр Мілінкевіч прагаласаваў на выбарах прэзідэнта Рэспублікі Беларусь

Sun, 19 Mar 2006 15:17:21 GMT

Аляксандр Мілінкевіч прагаласаваў на выбарчым участку №13, размешчаным у школе №166 на вуліцы Чэхава ў Мінску. Кандыдат у прэзідэнты ад аб'яднаных дэмакратычных сіл прыйшоў туды разам з жонкай Інай Кулей а 10-й раніцы. Некалькі дзясяткаў журналістаў з розных краінаў свету, а таксама выбарцы, паплечнікі і прыхільнікі віталі спадара Мілінкевіча апладысментамі.

Падчас галасавання Аляксандр Мілінкевіч выступіў з кароткай прамовай. Ён яшчэ раз заклікаў усіх прыхільнікаў дэмакратычных зменаў увечары прыйсці на Кастрычніцкую плошчу сталіцы з кветкамі.

- Мы будзем гаварыць, як праходзілі выбары, якія шанцы на Свабоду ў нашай краіне. Мы — мірныя людзі, і калі будуць якія правакацыі, то адказнасць за іх ляжа на кіраўніцтва краіны, заявіў Аляксандар Мілінкевіч.

Ярмошына "дзякуе Дзярждэпу ЗША" за колькасць датэрмінова прагаласаваўшых

Sun, 19 Mar 2006 15:15:47 GMT

У Інфармацыйным цэнтры ЦВК прайшла прэс-канфэрэнцыя старшыні Цэнтральнай выбарчай камісіі Л.Ярмошынай. Сп. Ярмошына падзялілася з журналістамі некаторымі лічбамі, якія ёсць у ЦВК. Паводле яе, на 10 гадзінаў раніцы ўжо прагаласавала 39,9% (!), г.зн. 2.804.777 чалавек.

Лічбу датэрміновага галасаваньня Л.Ярмошына не агучыла, аднак неафіцыйна стала вядома, што яна сягае 30% выбарнікаў. Нагадаем, што падчас прэзыдэнцкіх выбараў 2001 г. датэрміновае галасаваньне складала 14,3%. "За высокі працэнт датэрміновага галасаваньня можна падзякаваць Дзярждэпу ЗША", - чамусьці сказала Ярмошына.

Найменш актыўна, паводле звестак ЦВК, галасуюць у Мінску – на 10 гадзінаў раніцы тут прагаласавала 31,8; найбольш актыўна – у Віцебскай вобласці – 44,4%.

Аляксандра Мілінкевіча цёпла віталі ў «Кіеве»

Sat, 18 Mar 2006 22:18:49 GMT

Каля 500 чалавек сабралася на сустрэчу з Аляксандрам Мілінкевічам а 12-й гадзіне ў кінатэатры «Кіеў». Прымалі яго горача.

А.Мілінкевіч заявіў, што маніфэстацыя 19 сакавіка будзе выключна мірнай. «Мы ня будзем прарываць кардонаў», – заявіў ён. Ён заклікаў у выпадку любых правакацый здаваць правакатараў міліцыі. Ён прадэманстраваў публіцы фальшывыя ўлёткі, што распаўсюджваліся сёньня ўначы нібыта ад імя дэмакратычных кандыдатаў. Ён таксама ў чарговы раз заявіў, што 12 гадоў кіраваньня Лукашэнку было досыць, каб зрабіць усё, што хацеў, назваў Лукашэнку «стомленым» і заклікаў выбарцаў даць адпачынак «стомленаму чалавеку».

Сустрэча была непрацяглай і скончылася да 13-й гадзіны.

А.Мілінкевіч: Улада спрабуе запалохаць людзей праз sms-паведамленні

Sat, 18 Mar 2006 22:15:20 GMT

18 сакавіка ў Мінску абаненты СП ТАА "Мабільная лічбавая сувязь" (МЦС) - стандарт GSM 900/1800, гандлёвыя маркі "Velcom" і "Privet" - атрымалі паведамленне наступнага зместу: "Вечарам 19 сакавіка 2006 года на Кастрычніцкай плошчы правакатары рыхтуюць кровапраліцце. Беражыце сваё жыццё і здароўе".

Паведамленне прыйшло з нумара (8-029)6-92-00-27, які зараз не даступны.

Аляксандр Мілінкевіч лічыць, што гэтыя sms-паведамленні ёсць правакацыя з боку ўладаў, якая баіцца сваіх грамадзян.

- Улада страшэнна перапалохана, яна баіцца мірнага выхаду людзей на вуліцу. Гэта яны правакатары і тэрарысты, калі дасылаюць такія паведамленні. Мы яшчэ раз заяўляем, што гэта будзе мірная акцыя, а калі на ёй з’явяцца правакатары, то мы самі іх будзем здаваць у міліцыю.

Sat, 18 Mar 2006 10:43:33 GMT

Праваслаўныя і каталіцкія актывісты заклікаюць у нядзелю ўвечары на імшу ў кафедральныя саборы сталіцы
«Слава Ісусу Хрысту,

Пахвалёны Езус Хрыстус,

заклікаем усіх праваслаўных і каталікоў, хто зьбіраецца чакаць вынікаў галасаваньня на плошчы 19-га, спачатку прыйсьці на вечаровую імшу ў кафэдральныя саборы сталіцы. Пажадана да гэтага схадзіць на споведзь».

Гэты заклік рассылаецца праз электронную пошту і СМС-паведамленьні. Таксама праз СМС рассылаюцца заклікі «маліцца аб шчасьлівым лёсе нашай радзімы кожны вечар а 22-й гадзіне».